Kocha Mkuu wa Yanga Miguel Gamondi amesema licha ya timu yake kukosa alama zote tatu katika mchezo wa ligi kuu dhidi ya JKT Tanzania, bado hawajapoteza malengo yao ya kutwaa ubingwa
Gamondi amesema wamepata alama moja ugenini ambayo sio matokeo mabaya hasa ikizingatiwa wamecheza katika mazingira ya uwanja mgumu
"Nimeshindwa kuelewa kwa nini imelazimishwa tucheze katika uwanja huu? Sio suala la matokeo tu uwanjani, bali ni muhimu pia kuzingatia afya za wachezaji"
"Hatukuwa na wakati mzuri, kipindi cha kwanza ilikuwa ngumu wachezaji wangu kucheza hapa angalau kipindi cha pili tulipambana"
"Najua kuna watu wamefurahi baada ya matokeo haya lakini tumepoteza pointi mbili tu na kupata pointi moja muhimu ugenini"
"Bado tuna mechi nyingi, tutaendelea kupambana ili kuhakikisha tunatimiza malengo yetu," alisema Gamondi
Mchezo unaofuata kwa Yanga ni dhidi ya Coastal Union ambao utapigwa Jumamosi April 27 katika uwanja wa Azam Complex
