Kiungo Mshambuliaji wa Yanga, Pacome Zouzoua, ameanza mazoezi ya ushindani na wachezaji wenzake baada ya kukaa nje ya uwanja kwa siku 29 akiuguza jeraha la nyama za paja
Yanga itaikaribisha Simba kwenye Derby ya Kariakoo, Jumamosi April 20 katika Uwanja wa Benjamin Mkapa, ikiwa ni mechi ya raundi ya pili ya Ligi Kuu Tanzania Bara
Nyota huyo raia wa Ivory Coast, aliumia katika mchezo wa Ligi Kuu Tanzania Bara dhidi ya Azam FC, uliochezwa March 17, mwaka huu, katika Uwanja wa Benjamin Mkapa Dar es Salaam
Daktari wa Yanga, Moses Etutu amethibitisha kuwa Pacome ameanza mazoezi ya ushindani na wachezaji wenzake baaada ya kukamilisha program binafsi ya mazoezi
Hata hivyo Etutu amesema hatma ya mchezaji huyo kutumika katika mchezo dhidi ya Simba Jumamos itategemea na utayari wake na mpango wa Kocha Miguel Gamondi
"Pacome tayari ameanza mazoezi na wenzake, kuhusu kumtumia katika mchezo ijao hiyo ni kazi ya benchi la ufundi, kumpa nafasi au kuendelea kumsubiri na kumpa dakika chache za kucheza kwa ajili ya kuwa fiti zaidi," alisema Etutu
Pacome alikosa mechi nne za Yanga ikiwemo mechi mbili za ligi ya mabingwa dhidi ya Mamelodi Sundowns kutokana na majeraha hayo ambayo awali yalionekana yasingemuweka nje kwa muda mrefu
Nyota wengine ambao walikuwa majeruhi na tayari wamerejea kikosini ni Khalid Aucho, Kibwana Shomari, Zawadi Mauya na Yao Kouassi
