Vinara wa ligi kuu ya NBC Yanga leo wako mkoani Mwanza ambapo saa 10 jioni watashuka uwanja wa CCM Kirumba kumenyana na Singida FG
Ni mechi ya mzunguuko wa 21 kwa Yanga inayosaka matokeo ya ushindi ili kujiimarisha kileleni mwa msimamo wa ligi
Hizi ni mechi za lala salama, baada ya mchezo huo zitasalia mechi 9 kuhitimisha msimu
Kama vijana wa Miguel Gamondi watashinda wataongoza ligi kwa tofauti ya alama nane dhidi ya Azam Fc inayoshika nafasi ya pili na alama tisa dhidi ya watani zao Simba wanaoshika nafasi ya tatu
Mchezo unaofuata baada leo ni dhidi ya Simba, hivyo kama watapata alama tatu leo, mchezo unaofuata ni wa kuweka salama hesabu za ubingwa
Katika mchezo huo, Yanga itaendelea kumkosa kiungo mshambuliaji Pacome Zouzoua wakati Yao Kouassi anaweza kurejea
Gamondi alisema Yao yuko tayari lakini Pacome bado kidogo pengine Wananchi watamshuhudia katika mchezo unaofuata dhidi ya Simba
