Wachezaji Pacome Zouzoua na Yao Kouassi wameendelea kuimarika na pengine Wananchi watarajie kuwaona uwanjani hivi karibuni
Pacome na Yao ndio wachezaji pekee ambao bado ni majeruhi baada ya Kibwana Shomari na Khalid Aucho kurejea dimbani na kutumika kwa dakika chache katika mchezo uliopita wa kombe la Shirikisho la CRDB dhidi ya Dodoma Jiji
Meneja wa Habari na Mawasiliano klabu ya Yanga Ali Kamwe amesema wachezaji hao wameendelea na program zao maalum kuwaimarisha kabla ya kurejea uwanjani
"Taarifa za wachezaji wetu majeruhi Yao Kouassi na Pacome Zouzoua ni kuwa wanaendelea vizuri"
"Juzi tumemshuhudia Aucho akirejea uwanjani baada ya kupona majeraha tutarajie hawa wengine nao kuwaona uwanjani karibuni," alisema Kamwe
Yanga inatarajiwa kusafiri kuelekea mkoani Mwanza leo kwa ajili ya mchezo wa ligi kuu dhidi ya Singida FG utakaopigwa Jumapili, April 14 katika uwanja wa CCM Kirumba
Wananchi huenda wakamshuhudia Pacome akirejea katika mchezo huo huku Yao akiendelea kuandaliwa kwa ajili ya kuikabili Simba, April 20
