VPL yaendelea leo, Azam FC yabanwa mbavu Mbeya, Stand yaifumua Njombe Mji 3-1

Ligi kuu ya Vodacom mzunguuko wa 23 imeendelea leo kwa michezo minne kupigwa katika viwanja tofauti.

Mkoani Mbeya, wenyeji Mbeya City wametoshana nguvu na Azam FC kwa kutoka suluhu ya bila kufungana.

Matokeo hayo yanazidi kufifisha ndoto za ubingwa kwa klabu ya Azam FC ambayo inaendelea kubaki nafasi ya tatu licha ya kucheza michezo miwili zaidi ya Simba na Yanga ikiwa na alama 45.

Stand United imeendelea kuiweka Njombe Mji katika hatari ya kuteremka daraja baada ya kuifumua mabao 3-1.

Nayo Ndanda FC imelazimishwa sare ya bao 1-1 dhidi ya Kagera Sugar, Mrisho Ngasa akiisawazishia Ndanda baada ya bao la Abdallah Mguhi wa Kagera Sugar.

Ruvu Shooting na Tanzania Prisons zimetoshana nguvu kwa kutoka suluhu ya bila kufungana.

Ligi Kuu ya Vodacom inatarajiwa kuendelea kesho Jumatatu ambapo mchezo mmoja utapigwa mkoani Morogoro, Mtibwa Sugar ikiwakaribisha vinara wa ligi hiyo Simba.

Yanga itashuka uwanja wa Taifa Jumatano ijayo April 11 kuikabili Singida United kwenye mchezo ambayo Yanga inahitaji kuibuka na ushindi ili kuweka hai matumaini ya kutetea ubingwa