Aucho tayari kurejea, Pacome na Yao bado

Kiungo Khalid Aucho ameendelea kujifua na pengine Wananchi kesho wanaweza kumshuhudia akirejea uwanjani katika mchezo wa kombe la FA dhidi ya Dodoma Jiji ambao utapigwa katika uwanja wa Jamhuri

Aucho amekuwa nje kwa takribani mwezi mzima baada ya kufanyiwa upasuaji mdogo wa goti

Wakati Aucho akiwa tayari kurejea, Yanga itaendelea kuwakosa Pacome Zouzoua na Yao Kouassi ambao wamebaki jijini Dar es salaam

Ni wazi mkufunzi wa Yanga Miguel Gamondi hana haraka ya kuwarejesha nyota hao uwanjani ili wapone kabisa majeraha yao

Ikumbukwe April 20 mechi ya pili ya dabi dhidi ya Simba msimu huu itapigwa dimba la Benjamin Mkapa

Gamondi anachukua tahadhari ote ili kuhakikisha April 20 anakuwa na kikosi chake kamili