Mapema leo, Bodi ya Ligi ilitangaza kuupangia tarehe mchezo wa watani wa jadi Ligi Kuu ya NBC kati ya Yanga dhidi ya Simba uliokuwa umewekwa kiporo
Ni April 20, mtanange huo utapigwa katika uwanja wa Benjamin Mkapa, saa 11 jioni
Huu ni mchezo muhimu sana kwa Yanga kwani alama tatu zitawaweka Wananchi katika nafasi nzuri zaidi ya kutwaa ubingwa
Mechi hii inawezekana imekuja katika wakati mwafaka kwani nyota wote watakuwa tayari kuhusika katika mchezo huo
Licha ya kupona majeraha, kocha wa Yanga Miguel Gamondi hakutaka kuwatumia wachezaji Khalid Aucho na Pacome Zouzoua katika mechi dhidi ya Mamelodi Sundowns na sasa inaonekana alifahamu mchezo huo muhimu ungefuatia karibuni
Aucho, Pacome na Yao Kouassi watakuwa na muda mzuri wa kuimarika kuwa tayari kwa mtanange huo
