Meneja wa Habari na Mawasiliano klabu ya Yanga Ali Kamwe amesema amemuomba Rais wa Yanga Injinia Hersi Said kuialika Mamelodi Sundowns katika kilele cha wiki ya Mwananchi baadae mwaka huu
Kamwe amesema Yanga haijamalizana na Mamelodi Sundowns na itapendekeza kama watakuja kwenye kilele cha wiki ya Mwananchi
"Nimemuomba Rais wa Yanga Injinia Hersi Said kwenye kilele cha wiki ya Wananchi kuufungua msimu wa 2024/25 apambane atuletee Mamelodi Sundowns kwani sisi na wao bado hatujamalizana, " aliandika Kamwe katika ukurasa wake wa mtandao wa kijamii
Wiki ya Wananchi iliyopita Yanga iliialika klabu ya Kaizer Chiefs moja ya klabu kubwa zaidi Afrika ya Kusini
Mamelodi ndio mabingwa wa ligi kuu ya Afrika Kusini kwa misimu sita mfululizo
Kama sio dhurma waliyofanya juzi, Yanga ilikuwa inawatupa nje ya michuano ya ligi ya mabingwa msimu huu
Yanga imedhihirisha kuwamudu vijana hao wa Rais wa CAF Patrice Motsepe na wakati wowote Wananchi watakuwa tayari kukabiliana nao
