Kocha Mkuu wa Yanga Miguel Gamondi ameeleza masikitiko yake baada ya Yanga kunyimwa bao halali katika mchezo wa mkondo wa robo fainali ya ligi ya mabingwa dhidi ya Mamelodi Sundows
Mchezo huo uliopigwa uwanja wa Loftus huko Afrika Kusini, dakika 90 zilimalizika kwa suluhu ya bila kufungana na Mamelodi kushinda kwa mikwaju ya penati 3-2
Lakini mjadala mkubwa baada ya mechi ni kukataliwa kwa bao alilofunga Aziz Ki ambapo shuti lake la guu la kushoto liligonga mwamba wa juu kisha kudundia ndani
Gamondi amesema ana mashaka na tukio la bao hilo kukataliwa kwani mwamuzi alikuwa na nafasi ya kwenda kujiridhisha kwenye VAR lakini hakufanya hivyo
"Ninachoweza kusema kila mmoja ameona kilichotokea hapa, ukweli ni kuwa Yanga na Tanzania imedhurumiwa wazi wazi"
"Siwalaumu Mamelodi Sundowns, pia nina heshima kubwa kwa nchi ya Afrika Kusini lakini niseme wazi kilichotokea hapa leo ni aibu kwa mpira wa Afrika"
"Nina mashaka na maamuzi ya mchezo huu, pale mchezaji wetu Lomalisa alipopewa kadi ya njano mwamuzi alikwenda katika VAR kujiridhisha kama alistahili kupewa kadi nyekundu"
"Lakini inashangaza kwa nini hakwenda kujiridhisha baada ya bao tulilofunga? Kama tunataka mpira wetu uendelee basi hatupaswi kufanya matukio ya aina hii, ni aibu"
"Timu hii ni mara ya kwanza kufika robob fainali ya mashindano haya, leo hii wamepambana hapa na walistahili kutendewa haki"
"Wananchi zaidi ya Milioni 30 wamdhurumiwa hapa na hili sio jambo zuri," alisema Gamondi
