Yanga imeendelea kujiimarisha kila pembe ya dunia ambapo leo Rais wa klabu hiyo Injinia Hersi Said alizindua Tawi la Wanachama wa klabu ya Yanga Afrika Kusini
Akizungumza katika hafla hiyo ya uzinduzi, Hersi aliwapongeza Wananchi wa Afrika Kusini kwa kuunda tawi hilo ambalo sasa ni miongoni mwa Matawi ya Yanga yanayotambulika nje ya nchi
Hersi amesema Yanga ndio klabu yenye Matawi mengi zaidi nje ya nchi na faraja kwao kuona mwitikio wa Wanayanga waishio nje ya nchi kusajili Matawi
"Nichukue nafasi hii kuwashukuru na kuwapongeza sana mashabiki wa Yanga hapa Afrika Kusini. Niweke rekodi sawa, sisi tuna matawi lukuki nje ya mipaka ya Tanzania. Kwa Mfano kule Marekani tunalo tawi la uanachama"
"Tunasisitiza mashabiki wetu nje ya Tanzania kutumia fursa hii ya kufungua account ya Tanzanite ya CRDB. Account hiyo haina makato, unapata bima ya Tsh 15m ukipata msiba, na faida lukuki. CRDB ni benki ambayo imewasogelewa kwa ukaribu sana Wanachama wetu wa diáspora," alisema Hersi
Baada ya uzinduzi Hersi aliwakabidhi Wanachama kadi zao za Uanachama
