Kiungo mshambuliaji wa Yanga Stephane Aziz Ki amesema wamejipanga kupata matokeo ambayo yatawahakikishia kutinga nusu fainali ya ligi ya mabingwa barani Afrika katika mchezo wa pili wa robo fainali dhidi ya Mamelodi Sundowns utakaopigwa huko Pretoria hapo kesho
Baada ya matokeo ya suluhu ya bila kufungana katika mchezo wa mkondo wa kwanza uliopigwa Dar es salaam wiki iliyopita, ushindi au sare yoyote ya mabao itaihakikishia Yanga kuvuka nusu fainali
Aziz Ki amesema mechi ya kwanza imewasaidia kuwafahamu vyema Mamelodi na sasa wanakwenda kupambana kupata ushindi katika mchezo huo wa pili
"Mechi itakuwa ngumu lakini Yanga tuna nafasi ya kufanya vizuri na kama tutapata matokeo basi yawe ya mapema kuwafanya wapinzani wawe na presha kubwa kutokana na matokeo ya mchezo uliopita"
"Kurejea kwa wenzetu waliokuwa majeruhi ni faida kwa kikosi chetu na tutahakikisha tunawafurahisha mashabiki waliosafiri na wale ambao tumewakuta Afrika Kusini"
"Hatuna presha tutacheza na Mamelodi tukiwa na malengo ya kutaka kufuzu, tumeshacheza nao tunawajua, tulipokuwa nyumbani tulifanya makosa ya kutotumia nafasi lakini ugenini tutafatuta bao au mabao ili kuwaweka kwenye presha wapinzani wetu," alisema
