Meneja Habari na Mawasiliano wa Yanga, Ally Kamwe ameweka wazi kuhusu hali ya majeruhi kuelekea mchezo wa robo fainali Ligi ya Mabingwa Afrika dhidi ya Mamelodi Sundowns utakaopigwa Jumamosi, Machi 30, 2024 kwenye Uwanja wa Benjamin Mkapa
Akizungumza na waandishi wa habari mapema leo, Kamwe alisema kiungo Zawadi Mauya tayari ameanza mazoezi na yupo tayari kwa mchezo dhidi ya Mamelodi Sundowns
"Zawadi Mauya yupo tayari kufanya kazi kubwa dhidi ya Mamelodi Sundowns. Kibwana Shomari anaendelea vizuri, Yao bado ni 50/50 alichanika nyama za paja"
"Pacome alikuwepo kwenye kikosi cha Ivory Coast dhidi ya Benin na yupo fit kwa zaidi ya 80% na Aucho anaendelea kujifua kujipanga dhidi ya Mamelodi Sundowns," alisema Kamwe
Ni wazi mpaka sasa ni Yao pekee ambaye huenda asiwe tayari kwa mchezo wa mkondo wa kwanza lakini anaweza kuwa amerejea katika mchezo wa mkondo wa pili utakaopigwa April 05 huko Afrika Kusini
