Timu ya Taifa ya Tanzania 'Taifa Stars ' imepoteza mchezo wa kwanza wa michuano maalum ya FIFA Series 2024 ikichapwa bao 1-0 na Bulgaria
Ilikuwa mechi ambayo Stars ingeondoka na matokeo mazuri lakini kukosekana kwa umakini kuliwanyima Tanzania mabao kupitia nafasi adimu zilizopotezwa na Feisal Salum na Kibu Denis
Stars itakamilisha mechi ya pili Jumatatu, March 25 kwa kuvaana na Mongolia
Baadhi ya wachezaji wa Yanga wanatarajiwa kurejea nchini baada ya mchezo wa leo
Shirikisho la Mpira wa Miguu Tanzania (TFF) liliahidi kuwaruhusu baadhi ya wachezaji wa Yanga na Simba kurejea nchini baada ya mechi ya leo kuungana na wenzao wanaojiandaa na mechi za robo fainali ligi ya mabingwa
Nyota wa Yanga waliotumika katika mchezo wa leo wanaweza kuwa miongoni mwa watakaoondoka mapema
Wachezaji hao ni Bakari Mwamnyeto, Ibrahim Bacca, Mudathir Yahya na Clement Mzize
Mlinda lango Aboutwalib Mshery huenda akaendelea kubaki baada ya majeraha aliyopata Aishi Manula
