Baada ya maoni ya wadau kuhusu wachezaji wa klabu za Yanga na Simba waliojumuishwa katika timu ya Taifa na wakati huohuo timu zao zikikabiliwa na mechi za robo fainali ya michuano ya ligi ya mabingwa barani Afrika, Shirikisho la Mpira wa Miguu Tanzania (TFF) litawaruhusu baadhi ya wachezaji hao kurejea nchini kuungana na timu zao bada ya mechi itakayopigwa March 22
Mkuu wa Idara ya Habari na Mawasiliano wa Shirikisho la Mpira wa Miguu Tanzania (TFF) Clifford Mario Ndimbo amesema baadhi ya wachezaji wataruhusiwa kurejea nchini baada ya mechi moja kati ya mbili ambazo Tanzania itacheza huko Azerbaijan
"Wapo wachezaji wa Simba na Yanga watakaorudi baada ya mechi moja wapo baadhi yao watakabaki kwa ajili ya mchezo mwingine," alisema Ndimbo
Yanga ina wachezaji watano katika kikosi cha Stars kilichopata nafasi ya kushiriki Mashindano ya FIFA Series 2024
Wachezaji hao ni Aboutwalib Mshery, Bakari Mwamnyeto, Ibrahim Bacca, Mudathir Yahya na Clement Mzize
