Kiungo mshambuliaji wa Yanga Stephane Aziz Ki leo atakuwa na nafasi nyingine ya kudhihirisha ubora wake katika mchezo wa ligi kuu ya NBC dhidi ya Geita Gold ambao utapigwa uwanja wa Azam Complex
Aziz Ki ndiye kinara wa kuzifumania nyavu katika ligi msimu huu akifunga mabao 12 sawa na Feisal Salum wa Azam Fc
Aziz Ki pia amehusika katika mabao mengi zaidi akiwa ametoa assist saba sawa na Yao Kouassi wakiwa nyuma ya Kipre Jr wa Azam Fc mwenye assist nane
Katika mchezo uliopita dhidi ya Ihefu Fc, Aziz Ki aliweka rekodi ya kutoa hat-trik ya assist huku akifunga bao moja katika mchezo ambao Yanga iliibuka na ushindi wa mabao 5-0
Geita Gold walionja adhabu ya Aziz Ki katika mchezo wa duru ya kwanza akifunga moja ya mabao yaliyoipatia Yanga ushindi wa mabao 3-0
