Kocha Mkuu wa Yanga Miguel Gamondi amesema baadhi ya wachezaji hawatakuwa sehemu ya kikosi kitakachoikabili Namungo Fc leo katika mchezo wa ligi kuu ya NBC kutokana na sababu mbalimbali
Wachezaji Djigui Diarra, Khalid Aucho, Joyce Lomalisa, Pacome Zouzoua, Kennedy Musonda na Joseph Guede hawakuonekana katika mazoezi ya mwisho yaliyofanyika dimba la Majaliwa jana jioni
Gamondi amesema kila mchezaji aliyebaki ana sababu ya msingi ambapo wapo wenye majeraha na wengine kuwa na matatizo ya kifamilia
"Kwa asilimia kubwa ni wachezaji muhimu kikosini, lakini wana shida ambazo tungeziweka pembeni ingeleta shida kwani wasingecheza kwa ubora tunaoufahamu kutoka kwao"
"Sipendi kuweka wazi shida ya kila mmoja inatakiwa kueleweka kuwa kuna ambao wana majeraha madodo madogo na wengine shida za kifamilia," alisema
Gamondi aliongeza kuwa nyota hao wataweza kurejea katika mechi zinazofuta ambapo baada ya mechi ya leo Yanga itacheza mechi nyingine tatu dhidi ya Ihefu Fc, Geita Gold na Azam FC
"Baada ya mechi ya leo na Namungo tutakuwa na siku mbili tu tayari kwa mchezo mwingine wa ligi, hivyo kutoa nafasi za baadhi ya wachezaji ambao hawapo fiti kutokana na majeraha madogo madogo itatusaidia," alisema
