Yawezekana kwenye ligi kuu ya NBC haonekani kuwa na ufanisi mzuri mbele ya lango, lakini Kennedy Musonda amejipambanua kuwa mchezaji muhimu wa Yanga katika michuano ya ligi ya mabingwa msimu huu
Katika kampeni ya michuano ya Ligi ya Mabingwa msimu huu kuanzia hatua ya awali, Musonda amehusika katika mabao sita akifunga manne na kutoa pasi mbili za mabao
Katika hatua za awali alifunga mabao mawili dhidi ya Asas Fc na El Merrikh wakati kwenye makundi amefunga mabao mawili katika mechi dhidi ya Medeama na CR Belouizdad huku pia akitoa assist mbili katika mechi hizo
Hata msimu uliopita katika michuano ya kombe la Shirikisho, Musonda alikuwa na mchango mkubwa akishirikiana vyema na Fiston Mayele
Nyota huyo kutoka Zambia alihusika katika mabao sita, akifunga matatu na kutoa pasi tatu za mabao
Haishangazi kuona Kocha Mkuu wa Yanga Miguel Gamondi akimjumuisha Musonda katika kikosi chake kwenye mechi muhimu za kuhitaji ushindi na hajamuangusha
Bila shaka Wananchi watarajie kumuona Musonda akihitimisha msimu kibabe zaidi katika duru hili la pili ndani ya ligi kuu ya NBC
