Wakati droo ya robo fainali ya michuano ya ligi ya mabingwa barani Afrika ikitarajiwa kufanyika wiki ijayo March 13 huko Misri, mabingwa wa soka Tanzania Bara, Yanga wanarejesha makali yao kwenye ligi kuu
Ijumaa March 08 Yanga itakuwa mkoani Lindi kumenyana na Namungo Fc katika mchezo wa ligi kuu ya NBC, mzunguuko wa 17
Ni awamu ya pili ya lala salama, Yanga ikisaka ubingwa wa tatu mfululizo ambao utakuwa ubingwa wa 30
Baada ya mchezo huo, Yanga itarejea jijini Dar es salaam ambapo itacheza mechi tatu katika uwanja wa Azam Complex
March 11 wataumana na Ihefu Fc, March 14 wataumana na Geita Gold kabla ya kuikabili Azam Fc katika mchezo utakaopigwa March 17
Yanga inaweza kumaliza ndoto za Azam Fc kutwaa ubingwa msimu huu kama itaibuka na alama zote tatu katika mchezo huo
Kikosi cha Yanga kinarejea mazoezini Avic Town leo kuendelea na maandalizi baada ya mapumziko ya mwishoni mwa wiki
