CR Belouizdad walitua jana na mkwara mzito wakija na kundi kubwa la mashabiki kuelekea mchezo wa ligi ya mabingwa dhidi ya Yanga utakaopigwa Jumamosi Februari 24 katika uwanja wa Benjamin Mkapa
Msafara wa Belouizdad umeongozwa na Rais wa klabu hiyo ambapo pia Kocha Mkuu wa Stars Adel Amrouche ambaye ni raia wa Algeria ameonekana akiwa bega kwa bega na timu hiyo
Hii inaonyesha ni kwa kiasi gani CR Belouizdad wanazitaka alama tatu za mchezo huo, lakini hawawezi kuzipata kama Wananchi tutakwenda kujaza dimba la Mkapa na kuhakikisha tunawahamasisha wachezaji wetu kwa dakika zote 90 za mchezo
Ni mechi ambayo ushindi unaweza kutosha kuipelekea Yanga robo fainali hii ikitegemea na matokeo ya mchezo kati ya Medeama dhidi ya Al Ahly ambao utapigwa kesho Ijumaa
Jambo la msingi kwa Yanga ni kushinda mchezo huo pasipo kujali matokeo ya mechi nyingine kwani bado safari ya robo fainali iko mikononi
Ni siku mbili tu zilizosalia kukata tiketi, hii ni mechi ambayo Belouizdad watapaswa kufungwa nje na ndani ya uwanja
Hii ni mechi ya kisasi, Belouizdad wanapaswa kufahamu kwa nini Yanga ni mabingwa wa kihistoria Tanzania....!
