Kocha Mkuu wa Yanga Miguel Gamondi amesema kikosi chake kiko tayari kwa mchezo wa ligi kuu dhidi ya KMC ambao utapigwa kesho Jumamosi katika uwanja wa Jamhuri mkoani Morogoro
Akizungumza katika Mkutano na Wanahabari kuelekea mchezo huo, Gamondi amesema anatambua mchezo huo utakuwa tofauti na mchezo wa kwanza waliocheza jijini Dar es salaam lakini jambo muhimu kwao ni ushindi na kuwapa furaha mashabiki
"Nafurahi tumekuwa na wakati mzuri hapa tangu tulipowasili. Hali ya hewa ni nzuri na wachezaji wanafurahia mazingira haya"
"Mara zote huwa nasema napenda kucheza mchezo wa kuburudisha lakini naimani hautakuwa mchezo rahisi na sisi tupo hapa kwaajili ya kufanya vizuri ili kutimiza malengo yetu,” alisema
Akizungumza kwa niaba ya wachezaji wenzake, mlinzi wa kushoto Nickson Kibabage amesema wanatambua mechi za raundi ya pili sio nyepesi lakini watapambana ili kuhakikisha wanashinda ili kutimiza malengo
"Raundi ya pili huwa ni ngumu lakini kwa ukubwa wa klabu ya Yanga tunahitaji kushinda kila mechi, sisi wachezaji kila sehemu tunayokwenda huwa tunatambua umuhimu wa mechi na tunaamimi kwenye kuwapa furaha mashabiki wetu," alisema
