Morrison alishuhudia 5G ya Yanga

Licha ya kutandaza kabumbu huko Morocco, winga mtukutu Benard Morrison yuko nchini akiendelea na matibabu ya majeraha aliyopata

Kwa mujibu wa klabu yake ya FAR Rabat, Morrison anatarajiwa kuwa nje ya uwanja kwa takribani miezi sita

Jana Morrison alikuwepo dimba la Azam Complex kuwashuhudia Wananchi katika mchezo wa raundi ya pili kombe la FA dhidi ya Housung Fc Yanga ikiibuka na ushindi wa mabao 5-1

Morrison yuko nchini kwa ajili ya matibabu ambayo yanasimamiwa na timu ya Madaktari wa Yanga

Ni Morrison mwenyewe aliyechagua kuja kutibiwa nchini na madaktari hao ambao waliwahi kumtibu wakati yuko Yanga