Majira ya saa 5.00 usiku timu ya Taifa ya Tanzania 'Taifa Stars' itashuka katika Uwanja wa Amadou Gon Coulibaly mjini Karhogo kuchuana na DR Congo katika mchezo ambao utaamua hatma ya Stars kusonga mbele katika michuano ya Afcon 2023
Shirikisho la Mpira wa Miguu Tanzania (TFF) limeweka mezani ahadi ya donge nono kwa wachezaji kama watashinda mchezo huo na kufuzu hatua ya mtoano
Taifa Stars inahitaji ushindi dhidi ya DR Congo ili kuwa na nafasi ya kufuzu hatua ya mtoano moja kwa moja au kupitia 'best looser'
Kwa sasa Stars ina pointi moja kundi F wakati Morocco ikiongoza na alama nne, DR Congo na Zambia zimekusanya pointi mbili kila moja.
Waziri wa Utamaduni, Sanaa na Michezo, Dk Damas Ndumbaro amesema TFF imetoa ahadi ya Tsh Bilioni 1.3 kwa ushindi wa Stars
Dk Ndumbaro amesema kuwa ahadi hiyo imewekwa ili kuwaongezea wachezaji hamasa na anaamini kuwa wachezaji watapambana mpaka tone la mwisho ili kushinda na kuiweka Tanzania katika ramani mpya ya soka
