Kocha wa zamani wa Yanga Mwinyi Zahera amemwagia sifa beki wa Yanga na timu ya Taifa ya Tanzania 'Taifa Stars' Ibrahim Hamad 'Bacca' kwa kiwango bora anachoonyesha katika michuano ya Afcon 2023 inayoendelea huko Ivory Coast
Bacca amekuwa nguzo muhimu ya safu ya ulinzi ya Stars katika michuano hiyo akitumika katika mechi zote 2 dhidi ya Morocco na Zambia
Zahera ambaye kwa sasa anainoa Namungo Fc, amesema anafuatilia michuano hiyo na amevutiwa na uwezo unaoonyeshwa Bacca huku akibainisha kuwa ana sifa zote za kucheza soka barani Ulaya
"Nimetazama mechi mbili za Tanzania waliyocheza na Morocco na ile waliyocheza na Zambia"
"Nimemtizama yule beki wa Yanga anatokea Zanzibar (Bacca) ni mchezaji mzuri sana na anaweza kucheza soka Ulaya," alisema Zahera
Bacca ni mmoja wa wachezaji waliofanya vizuri katika michuano hiyo akiwekwa katika orodha ya wachezaji waliopiga pasi nyingi zaidi akiwa na wastani wa kupiga pasi 64 kwa mchezo
Haitashangaza baada ya michuano hii ofa zikamiminika Jangwani kuitaka huduma yake
Bacca bado ana mkataba wa muda mrefu na Yanga kwani mwezi Disemba 2023 alisaini mkataba mpya wa miaka mitatu
