Yanga kuweka hadharani ratiba mechi za kirafiki

Bado kuna takribani mwezi mzima wa Wananchi kusubiri kuishuhudia tena timu yao ikcheza mechi za mashindano

Ukweli ni kuwa ni muda mrefu sana, pamoja na kuwa kikosi kinaendelea kujifua Avic Town kwa wachezaji ambao hawana majukumu ya timu za Taifa

Katika kipindi hiki Yanga inatarajiwa kucheza mechi za kirafiki ili kuhakikisha wachezaji wanaendelea kubaki katika hali ya ushindani

Kocha Mkuu wa Yanga Miguel Gamondi amehitaji mechi hizo kwa ajili ya kukipima kikosi chake baada ya mfululizo wa mazoezi

Meneja wa Habari na Mawasiliano klabu ya Yanga Ali Kamwe amesema wiki ijayo wataweka hadharani mechi ambazo watacheza

Baadhi ya mechi zitapigwa Avic Town lakini nyingine huenda zikapigwa dimba la Azam Complex ili kuwapa fursa mashabiki kuiona timu yao