Timu ya Taifa ya Tanzania 'Taifa Stars' leo inatupa karata yake ya kwanza kwenye michuano ya Afcon 2023 katika mchezo dhidi ya Morocco utakaopigwa saa 2 usiku
Utakuwa mchezo wa kwanza kundi F linalojumuisha timu za Tanzania, Morocco, Zambia na DR Congo
Mchezo mwingine ni kati ya DR Congo dhidi ya Zambia ambao utapigwa saa 5 usiku
Kwenye makaratasi Morocco wanaonekana washindi kutokana na ubora na uzoefu wa kikosi chao
Kikosi cha kocha Abdelhak Benchikha kimesheheni wachezaji wengi ambao hii ni mara yao ya kwanza kushiriki michuano ya Afcon
Utawazungumzia nahodha Mbwana Samatta, Simon Msuva, Himid Mao, Mudathir Yahya, Feisal Salum, Mohamed Hussein na mlinda lango Aishi Manula kuwa ndio wachezaji wenye uzoefu wa michuano hiyo kwani walikuwa sehemu ya kikosi cha mwaka 2019 kilichoshiriki michuano iliyofanyika Misri
Lakini michuano ya mwaka huu imekuwa na matokeo yasiyotarajiwa kwenye baadhi ya mechi. Zilizoonekana timu ndogo 'under-dog' ziliweka ngumu kwa timu kubwa
Tanzania inayo nafasi ya kuonyesha kuwa mwaka huu hawakwenda Ivory Coast kushiriki tu michuano hiyo bali kushindana
Kila la kheri Stars...!
