Tabora United wamtaka Ngushi kwa mkopo

Klabu ya Tabora United imewasiliana na uongozi wa Yanga ikimuhitaji mshambuliaji Chrispine Ngushi kwa mkopo hadi mwishoni mwa msimu

Ngushi hajawa na mwendelezo mzuri katika kikosi cha Yanga tangu aliposajiliwa na mabingwa hao soka Tanzania Bara akitokea klabu ya Mbeya Kwanza

Hata hivyo katika michuano ya kombe la Mapinduzi inayoendelea visiwani Zanzibar, Ngushi ni miongoni mwa wachezaji wanaofanya vizuri

Ngushi amebakiza miezi sita katika mkataba wake na Yanga, huenda akaruhusiwa kujiunga na walina asali hao kabla ya dirisha dogo la usajili kufungwa Januari 15