Rais wa Yanga Injinia Hersi Said amejipambanua kwa uwezo wake wa kushawishi wachezaji bora kujiunga na Yanga
Stephane Aziz Ki ni mfano wa wachezaji ambaye hakuna aliyetarajia angeweza kuja Tanzania kuitumikia Yanga
Ki katika moja ya mahojiano yake, aliweka wazi Hersi alikuwa sababu ya yeye kuja Tanzania kuitumikia Yanga
Hata Khalid Aucho wakati anatoka Misri kuja kujiunga na Yanga misimu miwili iliyopita alimtaja Hersi kuwa sababu
Yanga inahusishwa na mshambuliaji Sankara Karamoko, kinara wa mabao kunako klabu ya Asec Mimosas
Karamoko ndiye anayeongeza orodha ya wafungaji bora ligi ya mabingwa msimu huu akiwa na mabao manne
Nyota huyo pia anahusishwa na klabu kadhaa barani Ulaya hivyo wengi wanaona utakuwa muujiza kwa Karamoko kujiunga na Yanga hasa katika dirisha hili dogo la usajili
Lakini ukweli ni kuwa Hersi alianza muda mrefu kumfuatilia mshambuliaji huyo mwenye umri wa miaka 20
Kama mambo yangekuwa sawa katika dirisha lililopita pengine Karamoko angejiunga na Yanga sambamba na Pacome Zouzoua na Yao Kouassi
Hivyo kwa wale wanaodhani Yanga haiwezi kumshusha Karamoko katika dirisha hili dogo wawe na akiba ya maneno, wasije wakaumbuka kama ilivyokuwa kwa Aziz Ki
