Ama kwa hakika Wananchi wakiwa na jambo lao hawashindwi! Huu ndio ujumbe ambao ulionekana uwanja wa Benjamin Mkapa jana baada ya mchezo dhidi ya Medeama Fc Yanga ikiibuka na ushindi wa mabao 3-0 katika mchezo wa ligi ya mabingwa barani Afrika
Siku hiyo maalum kwa ajili ya Mdhamini GSM ilifana sana, mashabiki wa Yanga wakijitokeza kwa wingi kuiongezea hamasa timu yao katika mchezo ambao Yanga iliuhitaji zaidi ushindi
GSM alinunua tiketi zote za Mzunguuko na ili kuithaminisha siku hiyo, Wananchi wakatakiwa kuvaa jezi zenye nembo ya GSM ili kupata tiketi ya kuingia uwanjani
Mandhari ya uwanja wa Benjamin Mkapa ilivutia kwa rangi za njano, kijani na nyeusi. Hili ni jambo ambalo awali lilionekana kama haliwezekani lakini kwa hakika lilifanikiwa
Kumbe mashabiki wa Yanga wanaweza kujaza uwanja wa Mkapa huku wakivalia jezi rasmi za klabu yao
Pamoja na jana ilikuwa siku ya kazi lakini zaidi ya mashabiki 40,000 walijitokeza na zaidi ya asilimia 95 walivalia jezi za Yanga
Huu unapaswa kuwa utaratibu wa Wananchi katika kila mechi sasa
