Meneja wa Kitengo cha Habari na Mawasiliano klabu ya Yanga Ali Kamwe amesema Makamu Rais wa timu hiyo Arafat Haji amewaandalia 'surprise' mashabiki watakaojitokeza kushuhudia mchezo wa ligi kuu dhidi ya Mtibwa Sugar utakaopigwa kesho Jumamosi katika uwanja wa Azam Complex
Wakati dirisha dogo la usajili likitarajiwa kufunguliwa saa 6:01 usiku, usajili wa kwanza katika dirisha hilo huenda ukatambulishwa Chamazi
"Makamu wa Rais wa Yanga Arafat Haji maarufu kama 'Mzee wa Kindege' ameandaa zawadi maalum kwa mashabiki watakaojitokeza uwanja wa Azam Complex hapo kesho kushuhudia mchezo wa ligi kuu dhidi ya Mtibwa Sugar"
"Mwananchi hakikisha unawahi mapema Azam Complex usije kukosa tuko hili," alisema Kamwe
Kiungo aliyesajiliwa kutoka JKU ya Zanzibar Shekhan Ibrahim Khamis huenda akatambulishwa pale Chamazi
'Kindege' cha Arafat ndicho kilichofanya maajabu kwa kumnyakua Shekhan juu kwa juu wakati akielekea upande wa pili..!
