Meneja wa Yanga Walter Harrison amesema timu inaendelea vyema na maandalizi katika Mji wa Kumasi kuelekea mchezo wa ligi ya mabingwa dhidi ya Medeama Fc ambao utapigwa keshokutwa Ijumaa katika uwanja wa Baba Yara
Yanga ilitua Ghana jana na moja kwa moja kuanza mazoezi 'recovery', kikosi leo kinaendelea na program nyingine za mazoezi
Walter amesema mpaka sasa hawajakumbana na changamoto yoyote katika maandalizi ya mchezo huo
"Tunamshukuru Mungu tumesafiri salama kutoka Dar es salaam mpaka hapa Kumasi. Maandalizi yanaendelea vizuri jana tulikuwa na session maalum ya recovery ili kuondoa uchovu wa safari kwa wachezaji"
"Tumekuwa na mazoezi mengine ya recovery ya ndani na jioni tutafanya mazoezi ya uwanjani na tunatarajia program ya mwisho ya mazoezi tutaifanya kesho katika uwanja wa Baba Yara ambao utatumika siku ya mchezo"
"Hali ya timu kwa ujumla iko vizuri tunaushukuru uongozi wa Yanga kwa kuhakikisha tunafika hapa mapema na kupata muda wa kutosha kufanya maandalizi pamoja na kuzoea hali ya hewa," alisema Walter
