Mshambuliaji Hafiz Konkoni ni miongoni mwa wachezaji waliotua Ghana na kikosi cha Yanga kuelekea mchezo wa ligi ya mabingwa dhidi ya Medeama Fc utakaopigwa uwanja wa Baba Yara huko Kumasi
Baada ya kung'ara ligi kuu ya Ghana msimu uliopita akiwa na Benchem United, Konkoni amerejea tena Ghana lakini safari hii akiwa na Wananchi
Licha ya kutokuwa na nafasi ya kudumu kwenye kikosi cha kwanza, Konkoni anaweza kuwa silaha muhimu ya kuimaliza Medeama Fc siku ya IJumaa
Konkoni ni mwenyeji hapo Kumasi, amecheza mechi nyingi katika uwanja wa Baba Yara, kwake huu ni uwanja wa nyumbani
Analifahamu vyema soka la Ghana, msimu uliopita akishika nafasi ya pili katika ufungaji akiweka kambani mabao 15
Huyu ni mchezaji ambaye pengine hata Medeama hawatamani kumuona kwenye kikosi cha Yanga kitakachowakabili kwani anawafahamu vyema
Kisaikolojia, utayari na hamasa ni kubwa kwake, haitashangaza kama Kocha Miguel Gamondi atampa nafasi ya kuanza siku ya Ijumaa
