Kiungo mshambuliaji wa Yanga Pacome Zouzoua amesema hayakuwa malengo yao kutoka sare dhidi ya Al Ahly kwani walihitaji kushinda mchezo huo wa kwanza nyumbani
Hata hivyo Pacome amesema wameipokea alama hiyo moja na sasa wanajipanga kuhakikisha wanashinda mchezo unaofuata dhidi ya Medeama
"Yote anapanga mungu tutarejea katika wimbi la ushindi katika mechi zijazo. Nawapongeza wachezaji wenzangu kwa mchezo mzuri"
"Nafurahi kufunga bao langu la kwanza kwenye hatua ya makundi ligi ya mabingwa," alisema Pacome
Bao la Pacome alilofunga dakika 90 liliihakikishia Yanga kupata alama moja dhidi ya Al Ahly waliotangulia kufunga bao kwenye dakika ya 87 kupitia kwa Pecy Tau
Pacome alikuwa bora katika mchezo huo, amestahili tuzo ya mchezaji bora wa mechi iliyopigwa uwanja wa Benjamin Mkapa
