Kiungo mshambuliaji wa Yanga Pacome Zouzoua jana aling'ara katika mchezo wa Ligi ya Mabingwa dhidi ya CR Belouizdad ambao hata hivyo Yanga ilipoteza kwa mabao 3-0
Pacome alifanya kazi kubwa dimbani pengine ndiye mchezaji aliyegusa mipira mingi zaidi upande wa Yanga
Kama waamuzi wangekuwa 'fair', alistahili kupewa mkwaju wa penati dakika za mwanzo baada ya kuangushwa ndani ya eneo la hatari
Pacome ameonyesha ni mchezaji wa daraja la juu kwani aliweza kung'ara katika mchezo ambao ulikuwa na presha kubwa kutoka kwa wenyeji
Aina ya mechi ambayo Maxi Nzengeli na Stephane Aziz Ki hawakuonekana sana kutokana na ulinzi mkali waliowekewa lakini haikuwa rahisi kumdhibiti Pacome ambaye kila alipokuwa na mpira wachezaji wawili au zaidi walijaribu kumkaba pasipo mafanikio
Pacome alifanya mambo mengi uwanjani kwa usahihi ni bahati mbaya kazi yake nzuri haitakumbukwa kwa sababu Yanga ilipoteza mchezo huo
