Stephane Aziz Ki msimu huu nyota yake inan'gara kwelikweli katika klabu ya Yanga, anafunga vile atakavyo na kutengeneza mabao kwa wengine
Aziz Ki ni miongoni mwa wachezaji ambao ni gumzo katika jiji la Algiers kuelekea mchezo wa kesho sambamba na Pacome Zouzoua na Maxi Nzengeli ambao wanaunda pacha iliyopewa jina la MAP
Aziz Ki alitua Algiers jana baada ya kumaliza majukumu ya timu ya Taifa Burkina Faso
Wachezaji wengine walioingia Algeria jana ni pamoja na mlinda lango Djigu Diarra na kiungo Khalid Aucho
Wengine ni Metacha Mnata, Aboutwalib Mshery, Nickson Kibabage, Dickson Job, Ibrahim Bacca, bakari Mwamnyeto. Mudathir Yahya na Clement Mzize waliokuwa timu ya Taifa ya Tanzania 'Taifa Stars'
Kikosi cha Yanga leo kitafanya mazoezi ya mwisho katika uwanja wa July 05 ambao mchezo dhidi ya CR Belouizdad utapigwa kesho saa 4 usiku
Ni katika uwanja uleule ambao Yanga iliichapa USM Alger bao 1-0 katika mchezo wa pili wa fainali kombe la Shirikisho barani Afrika (CAF CC)
