Kikosi cha Yanga kinaendelea na mazoezi Avic Town kujiandaa na mchezo wa kwanza wa hatua ya makundi ligi ya mabingwa barani Afrika dhidi ya CR Belouizdad
Wananchi watasafiri kwenda Algeria ambapo Novemba 24, kwenye Uwanja wa 5 July 1962, watakuwa wageni wa Belouizdad
Ni katika uwanja huo ambao Yanga wana kumbukumbu ya ushindi wa bao 1-0 dhidi USM Alger na kukaribia kutwaa Kombe la Shirikisho Barani Afrika kama sio kutumika sheria ya mabao ya ugenini
Kabla ya kuelekea Algeria, Gamondi amewaagiza mabosi wa Yanga kutafuta mechi moja ya kirafiki ili kuwaweka sawa wachezaji wake tayari kwa mchezo huo
Ligi ya Algeria haijasimama Belouizdad wamecheza juzi na watarajia kucheza tena Novemba 19. Mchezo wa mwisho kwa Yanga ulikuwa Novemba 08 dhidi ya Coastal Union, takribani wiki moja wamekosa mechi ya ushindani
Gamondi anaamini mechi hiyo itawaweka kwenye ushindani wachezaji ambao hawana majukumu ya timu za Taifa kwani wale ambao wako kwenye timu za Taifa wengi watacheza mechi za kuwania kufuzu kombe la Dunia 2026
