Baada ya kukata ngebe za watani hapo jana kwa ushindi wa mabao 5-1 dhidi ya Simba katika mchezo wa ligi kuu ya NBC, Yanga haina muda wa kupoteza kwani inaelekeza nguvu katika mchezo unaofuata
Keshokutwa Jumatano, Novemba 08 katika uwanja wa Mkwakwani jijini Tanga, Yanga itakuwa mgeni wa Coastal Union katika mchezo wa ligi kuu raundi ya tisa
Ni ratiba yenye changamoto kwa Wananchi hasa ikizingatiwa wamecheza jana mechi ngumu na watahitaji kusafiri kuelekea Tanga kwa ajili ya mchezo huo
Kocha Mkuu wa Yanga Miguel Gamondi amesisitiza kuwa wanahitaji kuendeleza mwenendo wa ushindi katika kila mechi ili kuhakikisha wanakuwa kwenye nafasi nzuri ya kutimiza malengo ya kutetea ubingwa kwa msimu wa tatu mfululizo
Baada ya mchezo huo Yanga itarejea Dar kujiandaa na mchezo wa kwanza wa hatua ya makundi ligi ya mabingwa dhidi ya CR Belouizdad utakaopigwa Novemba 25 huko Algeria
Ligi inatarajiwa kusimama baada ya mechi za raundi ya tisa kupisha kalenda ya FIFA
