Kocha Mkuu wa Yanga Miguel Gamondi leo anahitaji kuanza na silaha zake zote ili kuhakikisha ushindi unapatikana katika mchezo wa ligi kuu dhidi ya Azam Fc ambao utapigwa uwanja wa Benjamin Mkapa saa 12:30 jioni
Habari njema kwa Gamondi ni kuwa hakuna mchezaji wa kikosi cha kwanza ambaye ni majeruhi
Farid Mussa aliyekuwa nje kwa muda mrefu nae alisharejea mazoezini kujiandaa na mchezo huo
Stephane Aziz Ki alikuwa mchezaji wa mwisho kurejea kutoka kwenye majukumu ya timu ya Taifa
Alitua Ijumaa usiku hivyo alifanya mazoezi siku za Jumamosi na Jumapili, ni wazi leo atakuwa miongoni mwa wanaume 11 watakaoanza kuikabili Azam Fc
Hakuna shaka golini Djigui Diarra ataanza wakati walinzi wa pembeni huenda wakaanza Yao Yao na Joyce Lomalisa
Walinzi wa kati hapa Gamondi ataamua aanze na pacha ipi maana Ibrahim Bacca, nahodha Bakari Nondo Mwamnyeto, Dickson Job na hata Gift Fred wote wako fit
Khalid Aucho, Mudathir Yahya wanaweza kuendelea kuwa chaguo la kwanza kwenye eneo la kiungo
Wakati Maxi Nzengeli, Stephane Aziz Ki na Pacome Zouzoua (MAP) wanatarajiwa kuongoza eneo la viungo washambuliaji
Max, Aziz na Pacome ndio vinara wa kupachika mabao kwenye kikosi cha Yanga wakiwa wamefunga mabao tisa (mabao matatu kila mmoja)
Katika safu ya ushambuliaji Clement Mzize, Kennedy Musonda na Hafiz Konkoni wote wako 'fit' lakini ni mmoja tu ambaye atakuwa na nafasi ya kuanza
Jambo muhimu kwa Yanga leo ni msako wa alama tatu katika mchezo unaotarajiwa kuwa na upinzani mkali
