Kocha Mkuu wa Yanga Miguel Gamondi ameweka msimamo kwa wachezaji wake kuhakikisha wanajituma na kutumia vyema nafasi pale wanapopewa muda wa kucheza mechi
Pamoja na ubora ambao kikosi chake kimeonyesha katika mechi nyingi msimu huu, Gamondi hajafurahishwa na viwango vya baadhi ya wachezaji
Gamondi alikerwa na kiwango kilichoonyeshwa na nyota wake katika mchezo wa ligi kuu dhidi ya Ihefu Fc, mchezo ambao Yanga ilipoteza kwa kufungwa mabao 2-1
Kocha huyo raia wa Argentina alifanya mazungumzo na baadhi ya wachezaji na kuweka msimamo wake dhidi ya wale ambao hawatatimiza majukumu yao vyema uwanjani
Katika moja ya mahojiano yake, Gamondi aliweka msimamo kuwa anahitaji wachezaji walio tayari kuipambania Yanga na kufikia malengo
"Kila mchezaji ana umuhimu ndani ya timu lakini nataka kuona wote wanakuwa sawa na kupambania malengo ambayo tumejiwekea kwa kadiri wawezavyo"
"Yanga ni timu kubwa, kila mchezaji anapaswa kufahamu na ni lazima aonyeshe anastahili kuwa hapa," alisema Gamondi
Ni wazi Gamondi anajipanga kufanya maboresho zaidi kwenye usajili wa dirisha dogo ambao utafunguliwa Disemba 15
