Yanga itatumia dimba la Mkapa makundi CAF

Baada ya kutumia uwanja wa Azam Complex katika mechi za hatua ya awali na raundi ya kwanza ya michuano ya Ligi ya Mabingwa barani Afrika, kuanzia hatua ya makundi Yanga itatumia uwanja wa Benjamin Mkapa

Dimba la Mkapa limefanyiwa ukarabati mkubwa ambapo awali ya kwanza ya ukarabati huo utakamilishwa mwishoni mwa wiki

Shirikisho la soka barani Afrika (CAF) limeupitisha uwanja wa Mkapa kutumika na Yanga kwenye mechi za makundi na kuendelea

Mchezo wa kwanza nyumbani kwa Yanga ni dhidi ya Al Ahly na utapigwa Disemba 02

CAF imethibitisha viwanja 36 vitakavyoweza kutumika kwenye mechi za makundi ya Ligi ya Mabingwa Afrika