Baada ya mechi tatu za ligi kuu ya NBC unaweza kusema maji yameanza kujitenga na mafuta
Mabingwa watetezi Yanga mapema tu wako kileleni mwa msimamo wa ligi wakishinda mechi zote tatu huku wakipachika mabao 11 pasipo wavu wao kuguswa
Ni Yanga na Mashujaa Fc pekee ambazo hazijaruhusu bao mpaka sasa baada ya mechi tatu
Yanga imejipambanua kwa ubora wake uwanjani na haihitaji wachambuzi kuitetea kila baada ya mechi!
Ukisikiliza vipindi vya michezo kuna timu inatetewa sana na wachambuzi licha ya timu hiyo kupata ushindi. Hata ukiwaangalia mashabiki wake hawana furaha!
Kuna nguvu kubwa ilitumiwa na baadhi ya timu wakati dirisha la usajili likiwa wazi kuwaaminisha mashabiki wao kuwa wamesajili wachezaji bora lakini sasa wanalazimika kuomba sapoti wa wachambuzi katika vipindi vya michezo kwa kuwa kinachoonekana uwanjani sio kile kile kilichotarajiwa!
Sisi Wananchi tunasema tutashikilia hapa hapa mpaka mwisho wa msimu
Huu ndio msimu ambayo timu bora katika soka la ndani na Kimataifa itafahamika!
