Mlinzi wa kulia wa Yanga Yao Kouassi ameendelea kuonyesha thamani yake katika kikosi cha Yanga jana akitoa pasi ya bao pekee lililofungwa katika mchezo wa ligi kuu dhidi ya Namungo Fc uliopigwa uwanja wa Azam Complex
Katika mechi tatu ambazo Yanga wamecheza kwenye ligi mpaka sasa, Yao amechangia mabao matatu, akifunga bao moja na kutoa pasi mbili za mabao
Nyota huyo amekuwa chanzo cha mashambulizi mengi ya Yanga yanayopita upande wa kulia
Yao na Jesus Moloko ndio vinara wa kutoa pasi za mabao kila mmoja akiwa ametoa pasi mbili
Wachezaji wengine waliohusika kutoa pasi moja ya bao ni Hafiz Konkoni, Nickson Kibabage, Dickson Job, Stephane Aziz Ki na Maxi Nzengeli
Aidha Mudathir Yahya, Aziz Ki na Maxi ndio vinara wa mabao kila mmoja akiwa amepachika mabao mawili wakati Pacome Zouzoua, Konkoni, Job, Yao na Musonda kila mmoja amefunga bao moja
Yanga imepachika mabao 11 kwenye ligi msimu huu pasipo kuruhusu bao lolote kutikisa nyavu zake katika michezo mitatu
