Nahodha wa Yanga Bakari Mwamnyeto amerejea kikosini baada ya kumaliza changamoto za kifamilia zilizokuwa zinamkabili
Mwamnyeto hakuwa sehemu ya kikosi kilichosafiri Rwanda katika mchezo wa mkondo wa kwanza kuwania tiketi ya kutinga hatua ya makundi ligi ya mabingwa dhidi ya Al Merrikh Yanga ikiibuka na ushindi wa mabao 2-0
Akizungumza katika Mkutano na Wanahabari mapema leo, Afisa Habari wa Yanga Ali Kamwe alisema Mwamnyeto ni miongoni mwa wachezaji ambao wataingia kambini leo kujiandaa na mchezo dhidi ya Namungo Fc
"Kama tulivyotangaza kabla ya timu kusafiri Rwanda, Nahodha wetu Bakari Mwamnyeto alipewa ruhusu na kocha Miguel Gamondi ili akashughulikie matatizo ya kifamilia"
"Taarifa njema ni kuwa Mwamnyeto amemaliza changamoto zake na leo atakuwa miongoni mwa wachezaji watakaorejea mazoezini Avic Town na kuingia kambini kujiandaa na mchezo dhidi ya Namungo"
"Timu ilirejea kutoka Rwanda jana usiku na wachezaji kupewa ruhusa kwenda makwao, leo jioni watarejea mazoezini AVic Town na kuingia kambini," alisema Kamwe
