Mlinda wa Geita Gold Erick Johora ni mmoja wa magolikipa watatu walioitwa timu ya Taifa ya Tanzania 'Taifa Stars' kwa ajili ya mchezo wa kuwania kufuzu Afcon 2023 dhidi ya Algeria
Mchezo huo utapigwa Septemba 07 huko Algeria, Taifa Stars ikihitaji angalau alama moja kuweza kufuzu
Stars imeweka kambi Tunisia kwa ajili ya maandalizi ya mchezo huo
Johora alijiunga na Geita Gold katika dirisha la usajili lililofungwa jana akitokea klabu ya Yanga ambayo ilimpa mkono wa kwaheri baada ya mkataba wake kumalizika
Johora alionyesha kiwango bora katika mechi mbili za kwanza za ligi kuu msimu huu akiisaidia Geita Gold kukusanya alama nne pasipo kuruhusu bao
Katika kikosi cha Stars amekutana na Metacha Mnata na Beno Kakolanya. Unaweza kusema nyota yake imeng'ara
