Wananchi wanaendeleza vichapo katika ligi kuu ya NBC leo ikiwa zamu ya JKT Tanzania wakipewa kipimo sawa na walichopewa watoza ushuru wa KMC
Ni 5G nyingine imeshuhudiwa uwanja wa Azam Complex leo Yanga ikiibuka na ushindi wa mabao 5-0
JKT Tanzania walitumia muda mwingi kwenye kipindi cha kwanza kujilinda, hata hivyo; hawakuweza kumzuia Stephane Aziz Ki kuifungia Yanga bao la kuongoza kwenye dakika ya 45 kupitia mpira wa adhabu
Kipindi cha pili Yanga ilirejea kama Mbogo aliyejeruhiwa na hapo ndipo JKT Tanzania 'wakajuuta' kuwafahamu Wananchi
Mabao ya Kennedy Musonda, Yao Yao na mabao mawili ya Maxi Nzengeli yalitosha kuihakikishia Yanga kuondoka na ushindi mnono
Wananchi wamejikita kileleni mwa msimamo wa ligi wakiwa na alama sita na mabao 10 ya kufunga
Ni wazi huu moto wa Yanga utawachoma wengi msimu huu
