El Merreikh yatangulia raundi ya kwanza CAF CL

El Merreikh imetangulia raundi ya kwanza ya michuano ya ligi ya mabingwa barani Afrika ikibebwa na faida ya bao la ugenini dhidi ya Otoho

Mchezo uliopigwa leo uwanja wa Huye huko Rwanda El Merreikh wakiwa wenyeji ulimalizika kwa matokeo ya suluhu ya bila kufungana

Mchezo wa kwanza uliopigwa Congo Brazaville Otoho wakiwa wenyeji ulimalizika kwa matokeo ya sare ya bao 1-1

El Merreikh watakutana na mshindi wa mchezo kati ya Yanga dhidi ya Asas Fc ambao utapigwa kesho Jumamosi katika uwanja wa Azam Complex

Mchezo wa mkondo wa kwanza utapigwa Rwanda na marudiano kupigwa jijini Dar es salaam uwanja wa Azam Complex