Ninja kuibukia DR Congo

Aliyekuwa mlinzi wa Yanga Abdallah Shaibu 'Ninja' msimu huu atacheza Ligi Kuu ya DR Congo baada ya kukamilisha usajili kujiunga na klabu ya Fc Lubumbashi

Ninja anatua Fc Lubumbashi akiwa mchezaji huru baada ya mkataba wake na Yanga kumalizika

Beki huyo kutoka visiwani Zanzibar alikuwa sehemu ya kikosi cha Yanga kwa nyakati tofauti tangu mwaka 2018

Msimu uliopita hakuwa na nafasi ya kuitumikia Yanga baada ya kupata majeraha na baadae kutolewa kwa mkopo kwenda Dodoma Jiji

Mkopo wake wa miezi 6 ulipomalizika alirejea Yanga kumalizia mkataba wake wa miezi sita uliokuwa umebaki

Ninja ni mmoja wa mabeki waliokuwa wakitabiriwa makubwa pengine majeraha yalimrudisha nyuma, hii inaweza kuwa nafasi yake ya 'kujitafuta' upya