Yanga inatarajiwa kucheza mechi tatu ndani ya wiki moja katika uwanja wa Azam Complex kabla ya mapumziko ya kalenda ya Kimataifa
Kesho Jumatano Wananchi watashuka uwanja wa Azam Complex kuikabili KMC katika mchezo wa ligi kuu ya NBC
Siku ya Jumamosi, August 26 Yanga itarudi tena uwanjani, ukiwa ni mchezo wa marudiano ligi ya mabingwa barani Afrika hatua ya awali dhidi ya Asas Fc
Siku tatu baadae August 29 Wananchi watashuka tena uwanja wa Azam Complex kumenyana na JKT Tanzania katika mchezo mwingine wa ligi kuu
Katika siku 9 kutoka tarehe 20 mpaka tarehe 29 Yanga itakuwa imecheza mechi nne zote zikipigwa Azam Complex
Silaha ya kocha Miguel Gamondi ni upana wa kikosi chake, kwani ni wazi atalazimika kufanya mabadiliko ya wachezaji katika baadhi ya mechi
