Nahodha wa Yanga Bakari Nondo Mwamnyeto amewaalika Wananchi wajitokeze kwa wingi uwanja wa Mkwakwani leo katiika mchezo wa nusu fainali ya Ngao ya Jamii dhidi ya Azam Fc
Kwa mara nyingine Mwamnyeto anaiongoza Yanga katika uwanja wa Mkwakwani dhidi ya Azam Fc ikiwa ni miezi miwili imepita tangu aliponyanyua taji la FA katika uwanja huo
"Sisi tumejiandaa vizuri, tuko tayari kwa mchezo huu wa nusu fainali Ngao ya Jamii. Nawaomba mashabiki wetu waje kwa wingi kuishangilia timu yao"
"Tuna wachezaji wapya wamesajiliwa hii ni nafasi yao kuja kuwaona na pia kutushangilia katika mchezo huu ambao tunahitaji kushinda"
"Tunajua haitakuwa mechi rahisi kwa sababu tumeshinda Ngao ya Jamii mara mbili, tunasaka kwa mara ya tatu, lakini tumejiandaa na tutahakikisha tunapata ushindi siku ya leo ili tuingie fainali," alisema Mwamnyeto
Nae Kocha Mkuu wa Yanga Miguel Gamondi amesema kikosi chake kiko tayari kwa mchezo huo ambao wanatarajia utakuwa mgumu
"Tunafuraha kuwa hapa, tumefanya maandalizi mazuri, wachezaji morali yao iko juu, wameonyesha kuwa tayari kwa mchezo huu"
"Utakuwa mchezo mzuri kwa sababu utatuonyesha tuko wapi sasa, mkakati wetu ni kusaka ushindi huku tukicheza soka safi"
Viingilio vya mchezo huo VIP B ni Tsh 30,000/- na Mzunguuko ni Tsh 10,000/-
