Kulingana na takwimu za N-Card takribani mashabiki 40,000 walikata tiketi kushuhudia mchezo wa kilele cha wiki ya Mwananchi kati ya Yanga dhidi ya Kaizer Chiefs uliopigwa uwanja wa Benjamin Mkapa Jumamosi iliyopita
Yanga iliibuka na ushindi wa bao 1-0, Kennedy Musonda akifunga bao hilo akipokea pasi murua kutoka kwa Maxi Nzengeli
Katika Tamasha hilo Yanga iliingiza zaidi ya Tsh Milioni 400 kutokana na mahudhurio yaliyotangazwa, kiingilio cha chini ilikuwa Tsh 10,000/-
Sio sahihi kufananisha Tamasha la Yanga dhidi ya Tamasha ambalo watani zao Simba wametangaza kulifanya mwezi ujao
Tamasha la Yanga lilifana kwa maana mahudhurio yaliridhisha na hata fedha walipata
Simba wamelenga kutaka kuonyesha wao wamefanya kitu kikubwa zaidi kwa kupunguza bei ya viingilio ili wajaze uwanja lakini hawatapata fedha nyingi kama ilivyokuwa kwa Yanga
Lakini pia Yanga waliwakaribisha mabingwa wa kihistoria ligi kuu ya Afrika Kusini Kaizer Chiefs wakati watani zao Simba wamewaalika Power Dynamos kutoka Zambia
Rais wa Yanga Injinia Hersi Said mara kadhaa ameweka wazi kuhusu msimamo wa uongozi wake ni kufanya kitu bora chenye manufaa kwa klabu na sio kushindana na timu nyingine
Ndio maana wakati huu utaona ni timu nyingine zinazojaribu kushindana na Yanga kwa kufanya kila ambacho Yanga wanafanya
