Bangala kuibukia FAR Rabat

Kiungo wa Yanga Yannick Bangala anahusishwa kujiunga na FAR Rabat inayonolewa na aliyekuwa Kocha wa Yanga Nasreddine Nabi

Bangala sio miongoni mwa wachezaji waliosajiliwa kuitumikia Yanga msimu ujao, hata hivyo uongozi bado haujatoa taarifa kuhusu hatma yake

Bangala, Djuma Shabani na Mamadou Doumbia wamepewa mkono wa kwa heri na kinachosubiriwa ni taarifa rasmi

Baada ya msimu uliopita kumalizika, Bangala na Djuma waliandika barua kwa uongozi wa Yanga kuomba kuvunja mikataba yao na wakati huohuo Yanga ikiwa na taarifa ya Bangala kuwa kwenye mazungumzo na Azam Fc

Yanga inakamilisha majadiliano na wachezaji hao katika utaratibu wa kuvunja mikataba yao kabla ya kutoa taarifa rasmi

Djuma huenda akarejea DR Congo akihusishwa na klabu ya TP Mazembe